Тошкентда айиқ қафасидан олиб чиқилган қизга яна бир имтиёз берилади
Соғлиқни сақлаш вазирлиги айиқ қафасидан олиб чиқилган қизнинг саломатлиги 18 ёшга тўлгунга қадар нуфузли тиббиёт маркази назоратида бўлишини маълум қилди.
Таъкидланишича, қизда стандарт бўйича неврологик, ультратовуш ва бош мия МСКТси каби қатор текширувлар амалга оширилиб, қизалоқ болалар реанимация бўлимига ётқизилган ва тегишли мутахассислар иштирокида зарур даво чоралари кўрилган. Унинг умумий аҳволи яхшилангач, бошқа бўлимга ўтказилган.
Ҳозир бемор тиббиёт ходимлари назорати остида режали муолажаларни давом эттирмоқда. Соғлиги кундан кун тикланиб боряпти. Шунингдек, Соғлиқни сақлаш вазирлиги бемор қизалоқ З.А.нинг 18 ёшга тўлгунига қадар саломатлигини доимий назорат қилиш учун Болалар миллий тиббиёт маркази ва унинг директори, тиббиёт фанлари доктори Алишер Шариповни шахсан масъул этиб белгилаган.
