Ўзбекистонлик курашчи Улуғбек Рашидов Осиё чемпиони бўлди
Спортчи Таиландда ўтказилган U-20 Осиё чемпионатида олтин медални қўлга киритди
Ўзбекистон терма жамоаси вакили Улуғбек Рашидов Таиландда спорт курашлари бўйича 20 ёшгача бўлган спортчилар ўртасида ўтказилган Осиё чемпионатида олтин медални қўлга киритди, деб хабар бермоқда МОҚ матбуот хизмати.
Ортда қолган кун эркин кураш бўйича беллашувлар ташкил этилиб, унда ўзбекистонлик спортчилар 1 тадан олтин ва бронза медалларига эга чиқишди.
Олтин медални -57 кг вазн тоифасида курашган Улуғбек Рашидов келтирди.
Шунингдек, -65 кг вазн тоифасида иштирок этган Санжарбек Анварбеков эса бронза медалига сазовор бўлди.
