Трамп мигрантларни депортация қилиш учун ҳарбийларни жалб қилади
АҚШнинг янги сайланган президенти Доналд Трамп мамлакатдаги ноқонуний мигрантларни депортация қилиш учун армияни жалб қилмоқчилигини маълум қилди. Бу ҳақида Newsweek хабар берди.
Трамп ўзининг Truth Social платформасида билдирилган қуйидаги хабарга муносабат билдирди.
Доналд Трампнинг янги администрацияси мамлакатда фавқулодда ҳолат эълон қилишга ва оммавий депортация дастури орқали Байден ҳукуматининг чегарадан ўтказиш сиёсатини тўхтатиш учун ҳарбий ресурслардан фойдаланишга тайёр экани хабар қилинмоқда, деди консерватив фаол ва шарҳловчи Том Фиттон.
АҚШнинг сайланган президенти бунга жавобан «Тўғри я муносабат билдирди.
Newsweek’ка маълум қилинишича, бўлажак президент «АҚШ тарихидаги энг йирик операция доирасида ноқонуний жиноятчилар, гиёҳванд моддалар ва одам савдогарларини депортация қилиш учун федерал ва штат даражасидаги барча кучларни сафарбар этади», бунда «оилалар учун харажатларни камайтиради».
Сиёсатчи илгари депортация ўтказиш учун Миллий гвардия ва ҳукумат идораларини жалб этишини маълум қилганди. Сайловолди кампанияси давомида у «Америка тарихидаги жиноятчиларни депортация қилишнинг энг кенг кўламли дастурини ишга туширишни» ваъда қилган.
Шунингдек, Трамп АҚШга душманлик кайфиятида деб топилган чет эл фуқароларини депортация қилишга имкон берувчи 1798 йилги қонундан фойдаланишини айтганди.
