Сирдарё ҳокимлиги «Kia Sorento Comfort» сотиб олди
Сирдарё вилояти ҳокимлиги «Roodell» масъулияти чекланган жамиятидан 21 декабрь куни «Kia Sorento Comfort» русумли автомобиль харид қилди.
«Dxarid.uz» портали маълумотларига кўра, компания ва ҳокимлик ўртасида 477 миллион 900 минг сўмга шартнома тузилган. Машина Сирдарё вилояти Ислом Каримов кўчаси 60-уйга етказиб берилиши белгиланган.
Маълумот ўрнида, ҳукумат қарори билан туман ҳокимлари хизмат машиналари нархлари базавий ҳисоблашнинг 1000 бараваридан, двигатель энг юқори қуввати 2000 сантиметр кубдан ошмаслиги келтирилган. Агар туман тоғли ҳудуд бўлса, бу қувватни 3000 сантиметр кубгача оширишга рухсат берилиши мумкин. Базавий ҳисоблаш миқдорининг истисно чегараси кўрсатилмаган.
