АТТО компаниясидан «Non Stop» акциясининг иккинчи босқичи ғолибларига совғалари тақдим этилди
Жамоат транспорти карталари эгалари автоматик равишда 10 августгача давом этадиган акциянинг иштирокчисига айланишади.
АТТО компаниясидан кенг кўламли ўйиннинг иккинчи босқичи ғолиблари исмлари маълум бўлди. Омадли — 100 000, 250 000, 500 000 инчи йўловчилар — тизим томонидан 10 июндан 10 июлгача бўлган даврдаги транзакциялар бўйича тизим томонидан аниқланди. Қимматбаҳо совғалар компания офисида топширилди.
Олга Нурданова ойнинг юз мингинчи йўловчисига айланди. У совға сифатида симсиз қулоқчинларни қўлга киритди. Аёл камдан-кам ҳолларда жамоат транспортидан фойдаланишини, шу ой эса у метрода ҳайдовчилик мактабига борганини тан олди.
«Мен акция ҳақида ҳатто билмасдим. Улар қўнғироқ қилишганда, мен рақамда адашишган деб ўйлардим. Сиз АТТО компаняси акциясида ғолибга айландингиз дейишди. Ростини айтсам, мен бундай ўйинларга ҳеч қачон ишонмаганман. Бу ерда эса ўзи ғолиб бўлдим. Катта рахмат. Мен жуда мамнунман!», — Олга Нурданова таассуротлари билан ўртоқлашди.
Икки юз эллик мингинчи йўловчи Шохрухмирзо Алижонов бўлди ва у Хиаоми ақлли соатига эга бўлди. Йигит яқинда таълим муассасасига ўқишга кириш учун Андижондан пойтахтга келган. Шаҳар бўйлаб ҳаракатланиш учун транспорт картасини сотиб олган ва шу заҳоти соврин ютиб олган. У бундай соатни узоқ вақтдан бери орзу қилганини ва уни жамоат транспортидан фойдаланган ҳолда бундай осонликча қўлга киритаман деб ўйламаганлигини таъкидлади.
Ва ўйиннинг асосий совғаси — Samsung Galaxy A12 смартфони 500 мингинчи йўловчига насиб этди. Бу Муалло Комилова эди.
«Биз АТТО карталарини бутун оиламиз билан узоқ вақтдан бери ишлатиб келмоқдамиз. Аммо мен бундай акция бўлиб ўтаётганини билмасдим. Менга қўнғироқ қилиб, мен ўйинда ғолиб бўлганимни ва телефон ютиб олганимни, айтишганида, ҳатто гапиролмай қолдим. Болаларимнинг қувончлари эса чексиз эди. Улар акцияси ҳақида рекламаларни кўп марта кўрганликларини айтишди, лекин бизнинг жамоат транспортидаги ҳаракатланишларимиздан бири ютуқли бўлишини тасаввур ҳам қила олишмаганди. Совға учун ва ҳар ким қимматбаҳо совға ютиши мумкин бўлган бундай акциялар учун катта раҳмат», — деди Муалло Комилова.
Эслатиб ўтамиз, «АТТО» компанияси кенг кўламли ўйинни бошлади, унда Тошкент жамоат транспортининг АТТО транспорт картасидан фойдаланувчи ҳар бир йўловчиси автоматик равишда иштирокчига айланади. Қимматбаҳо совғалар орасида смартфонлар, ақлли соатлар ва қулоқчинлар мавжуд. Ғолиблар номлари ҳар ой аниқланиб борилади. Ўйин ёзнинг охиригача 10 августгача давом этади.
Ўйинда қатнашиш учун СМС-хабарнома хизмати картага уланган бўлиши керак. Кирувчи СМС учун тўлов олинмайди. Акция фақат фаоллаштирилган СМС-хабарнома хизмати бўлган жамоат транспорти карталари орасида амалга оширилади. Имтиёзли транспорт карталари ва банк карталари ўйинда қатнашмайди.
Ижтимоий тармоқларимизга обуна бўлинг ва АТТО янгиликлари ва акцияларидан хабардор бўласиз:
Facebook: @atto.uz
Instagram: @atto_uz
Telegram: @attouz
Реклама ҳуқуқи асосида
