Туркия Президенти Ўзбекистонга ташриф буюришни режалаштирмоқда
Туркия Президенти Ражаб Тойиб Эрдўғаннинг жорий йил охиригача Тошкентга ташрифи режалаштирилган. Бу ҳақда Туркия-Ўзбекистон иқтисодий ҳамкорлик бўйича ҳукуматлараро комиссия йиғилишида маълум қилинган.
Фото: anadoly agency
Маълум бўлишича, ҳозирги Тошкентга ташриф якунлари бўйича икки туркий тилли давлатлар ўртасидаги ҳамкорликни янада чуқурлаштиришни назарда тутадиган 58 банддан иборат Ҳаракатлар режаси тўғрисида келишилган.
«Туркия Президенти Ражаб Тойиб Эрдўғаннинг жорий йил охиригача Тошкентга ташриф буюриши режалаштирилган. Бу масала 28 июнь куни Тошкентда ҳам муҳокама қилинди», — дейилади хабарда.
Қайд этилишича, Туркия ва Ўзбекистон савдо ҳажмини йилига 10 миллиард долларга етказишни режалаштирмоқда. Келгуси йилларда ушбу мақсадга эришиш мумкинлигини Туркия вице-президенти Фуат Октай таъкидлаб ўтган.
