Намангандаги Катта Наманган каналида чўкиб кетаётган қиз қутқариб қолинди
Ҳозирги вақтда қутқарилган инсоннинг аҳволи ўнгланган. Бу ҳақда ФВВ матбуот хизмати хабар қилди.
Фото: meros.uz
Хабарга кўра, 15 июнь куни соат 19:40ларда Наманган вилояти Чортоқ шаҳар ҳудудидан оқиб ўтувчи Катта Наманган каналида юзага келган. Мазкур ҳудудда хизмат олиб бораётган Чортоқ туман Фавқулодда вазиятлар бўлими ёнғин-қутқарувчилари каналда оқиб кетаёган аёлни кўриб қолган. Шундан сўнг, ФВВ ходимлари зудлик билан қутқарув ишларини амалга оширганлар. Қутқарувчиларнинг олиб борган тезкор саъй-ҳаракатлари натижасида фуқаро хушсиз ҳолда қутқариб олиниб, биринчи тиббий ёрдам кўрсатилган.
Қайд этилишича, ўзига келтирилган қиз туман тиббиёт бирлашмасига юборилган.
