Тошкентнинг айрим кўчалари 3 кунга ёпилади
Пойтахт Тошкентнинг Янги Сергели ва Қипчоқ кўчалари кесишмасигача бўлган оралиқдаги йўл 3 кунга ёпилади.
Келтирилишича, жорий йилнинг 19 июль куни соат 15:00 дан 21 июль 21:00 га қадар Нурлийўл кўчасининг ТҲАЙ билан кесишмасидан, Хонобод 1-тор ва Қипчоқ кўчалари бўйлаб Янги Сергели ва Қипчоқ кўчалари кесишмасигача бўлган оралиқдаги йўл вақтинча тўлиқ ёпилади. Бунга Тошкент метрополитенининг ер усти ҳалқа линиясида қурилиш ишлари олиб борилаётгани сабаб қилиб кўрсатилган.
«Ноқулайликлар учун ҳайдовчилардан узр сўраб, айланма йўллардан фойдаланишларини тавсия этамиз», дейилади шаҳар ҳокимлиги матбуот хизмати хабарида.
