Bloomberg: Сакен Полатов Ўзбекистондаги энг йирик хусусий банклардан бирини назорат остига олди
Bloomberg нашрининг хабар беришича, Ўзбекистондаги энг йирик хусусий банклардан бири бўлмиш Orient Finans Bank-нинг капитал тузилмаси акциядорларнинг мажоритар эгалари ўртасида қайта тақсимланиши муносабати билан ўзгарган.
Молиявий ташкилотнинг 52,5 фоизини жамоавий назорат қилувчи акциядорлар ўз акцияларини сотиб олишда имтиёзли ҳуқуқидан фойдаланган шерикларга сотишган. Битимлар натижасида Сакен Полатов Ўзбекистон Республикасидаги энг йирик хусусий банклардан бирида 57,15 фоиз улушга эга бўлган акцияларнинг назорат пакетини бирлаштирди.
Воқеани шарҳлар экан, Сакен Полатов шундай деди:
«Мен учун Orient Finans Bank ташкил этилган пайтиданоқ бизнес-лойиҳадан кўра кўпроқ эди. Бизнинг жамоамиз интилаётган мижозларга бенуқсон хизмат кўрсатишдан ташқари, банк ўзининг 12 йиллик фаолияти давомида кўплаб муҳим CSR-ташаббусларини амалга оширган. Кичик ва ўрта бизнесни молиявий қўллаб-қувватлашга қаратилаётган эътибор бошиданоқ тўғри қарор бўлганига чуқур ишончим комил, бу банкнинг ДНКсини ҳам, унинг узоқ муддатли стратегиясини ҳам шакллантирди».
Эслатиб ўтамиз, Orient Finans Bank 2010-йилнинг июнь ойида Тошкент шаҳрида ташкил этилган. Сакен Полатов унинг ҳаммуассисларидан бири бўлиб, 2010-йилдан 2020-йилгача Кузатув кенгаши раиси лавозимини эгаллаган.
