Uzum Market FBO, FBS ва нуқсонли маҳсулотларни қайтариш учун сақлаш тарифларини янгиламоқда
2025 йил 20 августдан бошлаб Uzum Market FBO ва FBS моделлари бўйича йиғилган қайтарилган ва нуқсонли маҳсулотларни сақлаш учун янги тарифларни жорий этади.
Ўзгаришлар омбор инфратузилмасининг чекланган имкониятлари билан боғлиқ: товарларни узоқ вақт сақлаш операцион самарадорликни пасайтиради ва буюртмаларни қайта ишлаш жараёнларини секинлаштиради.
Янги шартларга кўра, қайтарилган ва нуқсонли товарларни сақлаш учун тўлов қуйидагича белгиланади:
• кичик ўлчамли товарлар ( КГТ) учун кунига 500 сўм;
• ўрта ўлчамли товарлар (ЎГТ) учун кунига 1 500 сўм;
• йирик ўлчамли товарлар (ЙГТ) учун кунига 3 000 сўм.
Бунда бепул сақлаш муддати ўзгаришсиз қолади — қайтариладиган юк хати йиғилгандан кейин 10 тақвим кун. Ушбу муддат тугагач, тўлов автоматик равишда ҳисоблана бошлайди.
2025 йил 1 августдан бошлаб, агар сотувчи йиғилган қайтарилган товарларни олишни режалаштирмаса, у бизнесни қўллаб-қувватлаш хизмати орқали юк хатини утилизация қилиш учун ариза топшириши мумкин. Утилизация фақат бутун юк хати бўйича амалга оширилади — алоҳида позицияларни танлашнинг имкони йўқ.
Uzum Market офертанинг 6.7-бандига кўра, платформа қайтарилган товарни олиб кетишни сўраш ҳуқуқига эга эканлигини эслатади. Агар сотувчи 30 кун ичида товарни олиб кетмаса, қайтарилган товар сотувчининг ҳисобидан йўқ қилиниши мумкин.
Компания ҳамкорларга қайтарилган маҳсулотларни ўз вақтида олиб кетишни ва шахсий кабинетдаги сақлаш муддатларини мунтазам равишда текшириб туришни тавсия этади: «Юкхатлар» бўлимининг → «Омбордан қайтаришлар» саҳифасига кириб кўриб чиқиш мумкин.
Ўзгартиришлар билан ҳавола орқали батафсил танишишингиз мумкин.
