Ўзбекистондан чет элга юборилган трансчегаравий пул ўтказмалари миқдори маълум бўлди
2021 йилнинг январь ойида Ўзбекистонга келиб тушган халқаро трансчегаравий пул ўтказмалари ҳажми маълум қилинди.
Фото: Марказий банк матбуот хизмати
Айтилишича, 2021 йилнинг январь ойида республикага келиб тушган халқаро трансчегаравий пул ўтказмалари ҳажми 427 млн долларни ташкил этиб, ўтган йил январь ойига нисбатан 27 млн доллар ёки 7 фоизга ошган.
Шунингдек, чет элга юборилган трансчегаравий пул ўтказмалари миқдори 101 млн долларга етган.
Халқаро трансчегаравий пул ўтказмалари бўйича ижобий сальдо эса 326 млн долларни ташкил этган.
Аввалроқ, Ўзбекистонда 2021 йил январь ҳолатига банк карталаридан нақд пул ечиш ҳажми қанчага ўсгани маълум қилинганлиги ҳақида хабар берилган эди.
