Маймунчечакнинг учта асосий аломати маълум қилинди
Россиялик иммунолог, тиббиёт фанлари номзоди Николай Крючков маймучечакнинг учта асосий белгиларини маълум қилди.
Мутахассисга кўра, ушбу аломатлар аниқлангач, одам ўзини изоляция қилиши ва клиникага бориши керак.
«Биринчидан, аломатлар гриппга ўхшайди — юқори ҳарорат ва қаттиқ безовталик. Иккинчидан, характерли тошма кузатилиши керак. У ривожланишнинг бир неча босқичларидан ўтади, шу жумладан пуфак босқичидан ҳам. Учинчидан, лимфа тугунлари шишади», — дея тушунтирган у.
Крючков ҳарорат пайдо бўлган пайтдан бошлаб касалликнинг тўлиқ тугашига тахминан уч ҳафта ўтишини қайд этган.
