Uzbekistan Airways хорижда муваффақиятга эришган ватандошларимиз ва Ўзбекистон ўртасида кўприк вазифасини ўтамоқда

Uzbekistan Airways авиакомпанияси раиси Шуҳрат Худойқулов Парижда бўлиб ўтган O‘zbekistonlik. GENERATING IDEAS Халқаро форуми иштирокчиларига йўллаган нутқида у раҳбарлик қилаётган компания нима сабабдан Uzbekistan’s Club жамоасини қўллаб-қувватлаётгани ҳақида тўхталиб ўтди.

«Дунёда ўзбекистонликнинг қадами етмаган маскан йўқ. Бугунги кунда ўзбекистонликлар — бу бутун Ер юзи бўйлаб тарқалган катта бир халқ. Австралиядан тортиб Мексикагача. Япониядан тортиб Жанубий Африкагача. Ўзбекистонликлар ҳамма жойда бор. Айтишларича, биз 40 миллиондан ортиқ эканмиз.

Бизнинг фаолиятимиз — инсонларни бир-бирига яқинлаштириш. Биз Uzbekistan Airways жамоаси эса доим ўзбекистонликлар учун ишончли кўприк бўлишга ҳаракат қиламиз. Сизларни хавфсиз ва қулай тарзда бутун дунё бўйлаб элтиб қўямиз. Янги жойга боргандаги таассуротларни сиз билан бўлишамиз. Ёшларимизнинг кўзларида янги мамлакатларни кўргандаги завқнинг гувоҳи бўламиз. Бир-биридан минглаб километр узоқликдаги оилаларни яқинлаштирамиз.

Ва албатта — сизлар билан биргаликда ҳар сафар ватанга қайтамиз. Чунки биз уни жуда севамиз! Ҳозир Uzbekistan Airways Uzbekistan’s Club билан биргаликда бутун дунёдаги ўзбекистонликларни ва Ўзбекистонни боғлаб турувчи яна битта бақувват, янги кўприкни қурмоқда. Бу жараённинг бир бўлаги бўлиш биз учун шарафлидир ва биз сиз азизларни бортларимизда кўришдан доим хурсандмиз!» дея гапириб ўтди Худойқулов.

Реклама ҳуқуқи асосида.