Наманганда юк автомобили ёниб кетди
Ағдарилиш ва ёнғин натижасида тан жароҳати олган фуқаролар йўқ. Бу ҳақда ЙҲХББ хабар бермоқда.
Фото: ЙҲХББ
Хабарга кўра, 8 июль куни соат 07:10ларда Наманган вилояти А-373 «Тошкент-Ўш» автомобиль йўлининг 242 километрида ҳайдовчи 1991 йилда туғилган Н.А. «Mercedes-benz actros 1836» русумли юк автомобилини бошқариб бораётиб, бошқарувни йўқотиб ағдарилган, натижада ёнғин содир бўлган.
Қайд этилишича, ёнғин бартараф этилган .
Шунингдек, транспорт воситасига зарар етган.
Фото: ЙҲХББ
Мазкур ҳодиса юзасидан Поп тумани ИИБ ФМБ ЙҲХБ томонидан суриштирув ҳаракатлари олиб борилмоқда.
