Fitch рейтинг агентлиги Enter Engineering компаниясининг кредит рейтингини «B+» даражасида тасдиқлади
Enter Engineering ўзининг амалдаги бизнес стратегиясини амалга ошириш учун тўлиқ молиявий имкониятга эга эканини тасдиқлади.
Ўзбекистонда энг йирик EPC пудратчиларидан бири бўлган Enter Engineering компанияси Халқаро капитал бозорлари учун таҳлил ва тадқиқотлар бўйича жаҳонда етакчилардан бири бўлган Fitch Ratings рейтинг агентлиги компаниянинг кредит рейтингини «B+» даражасида тасдиқлагани ҳақида хабар бермоқда.
Fitch агентлиги, шунингдек қуйидагиларни эътироф этган:
- сўнгги йил давомида Enter Engineering бажариладиган шартномалар ҳажмини (яъни, якунланиши талаб этиладиган ишлар нархини) 4,4 млрд АҚШ долларидан 4,9 млрд АҚШ долларигача оширди, бу эса «компаниянинг маҳаллий бозордаги ўз иштирокини янада мустаҳкамлагани» билан боғлиқ;
- ишларнинг умумий шартномавий ҳажми ошиши Enter Engineering компаниясини даромадлар ва келгусидаги пул оқимлари билан таъминлайди, шунингдек нисбатан йирик бўлган халқаро ташкилотларнинг худди шундай кўрсаткичлари билан таққослашга лойиқ натижаларни тақдим этади;
- шунингдек, Enter Engineering «маъқулланиш учун катта имконият» доирасида ишлаб чиқилаётган лойиҳаларга кўра, доимий иш ҳажмига эга. Fitch нинг таъкидлашича, «бу Enter Engineering нинг маҳаллий бозордаги етакчилик мавқеини мустаҳкамлайди ва баъзи шартномаларнинг диверсификациясини таъминлайди».
Fitch тахминича, Enter Engineering 2022 йилда янги айланма капитал оқимига эга бўлиши кутилмоқда ва Enter Engineering лойиҳалари портфелининг кенгайиши «айланма маблағларнинг ўзгарувчанлигини чеклаши керак». Бу «қарз юкламасини солиштирилаётган компаниялар гуруҳидагидан камроқ даражага олиб келиш имконини беради».
Fitch Enter Engineering даромади 2021 дан 2024 йилгача ўрта ҳисобда 12 фоизга ўсишини башорат қилмоқда, шу ўринда, бунда EBITDA нинг рентабеллик башорати 2024 йилга келиб 12 фоиз атрофида сақланиб қолади.
Умуман олганда, Fitch нинг хулосасига кўра, Enter Engineering нинг молиявий профилини «мустаҳкам» деб таърифлаш мумкин.
Enter Engineering жорий бизнес стратегиясини амалга ошириш учун маҳаллий ва хусусий молиялаштириш манбааларидан етарлича фойдаланиш имкониятига эгалигини ва яқин келажакда капитал бозорларига киришни режалаштирмаганини алоҳида таъкидлайди. Бунинг натижаси ўлароқ, компания Fitch нинг очиқланган рейтинг қарорини қайтариб олишга қарор қилди.
