Ўзбекистонга «Спутник V» вакцинасининг 90 минг дозалик компонентлари олиб келинди

Ўзбекистондаги «Спутник V» вакцинаси захираси 370 минг дозага етди. Бу ҳақда ССВ матбуот хизмати хабар бермоқда.

Фото: ССВ матбуот хизмати

Хабарга кўра, 15 июль тунда Россиядан «Спутник V» вакцинасининг 70 минг дозалик 1-компоненти, 20 минг дозалик 2-компоненти олиб келинди.

Шунингдек, апрель ойида ушбу вакцинанинг 100 минг дозаси келтирилган эди (унинг 50 минг дозаси 1-компонент, 50 минг дозаси 2-компонент).

• 1 июнь «Спутник V» вакцинасининг навбатдаги куни 70 минг дозалик 1-компоненти;
• 10 июнда 70 минг дозалик 2-компоненти;
• 5 июль куни эса 40 дозалик 1-компоненти келтирилган эди.

Маълум бўлишича, жами вакцина захира 7 миллион 530 минг дозани ташкил қилмоқда. Улардан 660 минг дозаси AstraZeneca, 6,5 миллион дозаси ZF-UZ-VAC2001 вакцинасидир.

Бундан ташқари, 14-июнь ҳолатига кўра, 5 миллион 275 минг доза вакцина эмлаш жараёнларида қўлланилган.

Аввалроқ, Ўзбекистонга «Спутник V» вакцинасининг 40 минг дозалик 1-компоненти олиб келинган эди.