Ўзбекистонда хорижий валютада олинган кредитлар миллий валютага ўтказилганда компенсация берилади
Президент томонидан 27 октябрь куни «Тадбиркорлик субъектларининг хорижий валютадаги кредит мажбуриятларини бажариш билан боғлиқ юкини камайтиришга оид қўшимча чора-тадбирлар тўғрисида»ги қарор қабул қилинди.
Қарорга кўра, банкдан хорижий валютада олинган кредит миллий валютага ўтказилганда компенсация шартномаси бўлган тадбиркорнинг эквиваленти 1 миллион АҚШ долларидан ошмайдиган кредитларнинг асосий ставкадан ошадиган, лекин 5 фоиздан кўп бўлмаган қисми бўйича фоиз харажатларини учун компенсация берилади. Бунда фоиз ставкаси Марказий банк асосий ставкасининг 1,75 бараваридан ошмаслиги белгиланган. Компенсациялар Тадбиркорлик фаолиятини қўллаб-қувватлаш давлат жамғармаси томонидан берилади.
Қайд этилишича, 2021 йил 1 ноябрдан Ўзбекистон номидан чет эл валютасида тадбиркорлик лойиҳаларини молиялаштириш учун жалб қилинган кредитлар (қарзлар) лойиҳада иштирок этувчи молия ташкилотларига 10 йилдан кам бўлмаган муддатга ёки улар жалб қилинган муддатга қайта кредитланади.
