Uzum Market хорижий сотувчиларнинг маҳсулотлари учун алоҳида бўлим — Uzum Market Global’ни ишга туширмоқда
2025 йил 2 сентябрдан бошлаб Uzum Market янги бўлим пайдо бўлади — Uzum Market Global’ни ишга туширади.
Бу бўлимда хорижий сотувчиларнинг маҳсулотлари жамланган бўлади. Ҳозирча янги хизмат синов тартибида ишлаётган бўлса-да, келажакда миллий маркетплейс товарлар турларини кўпайтириш ва уларни етказиб бериш ҳудудларини кенгайтиришни режалаштирмоқда.
Uzum Market Global — бу Uzum Market платформасидаги алоҳида бўлим бўлиб, унда Ўзбекистон бўйлаб бепул етказиб бериш имкониятига эга бўлган хорижий сотувчиларнинг миллионлаб маҳсулотлари тўпланган. Лойиҳа бошида Хитой ва Осиёнинг бошқа мамлакатларидан турли хил маҳсулотлар: кийим-кечак, пойабзал, аксессуарлар, косметика воситалари, электроника ва маиший техника ва бошқа товарлар мавжуд бўлади. Шу билан бирга, Uzum Market қўллаб-қувватлаш хизмати ҳам маҳаллий витринадаги маҳсулотлар каби харидорларнинг барча саволларига жавоб беришга доим тайёр.
Хориждан етказиб бериладиган маҳсулотлар фақат Uzum Market Global бўлимида кўрсатилади ва Uzum Market’даги умумий қидирувга киритилмайди, шу тариқа харидорлар маҳаллий ва хорижий сотувчиларнинг маҳсулотларини ўзлари танлашлари мумкин бўлади. Хориждан товарларни етказиб беришнинг ўртача муддати 20-25 кунни ташкил этади, буюртмаларни UzPost бўлимларидан олиш мумкин бўлади.
Буюртмани расмийлаштиришда хорижий сотувчилардан барча товарлар алоҳида саватга йиғилади, бошида етказиб бериш бепул бўлади. Саватда фойдаланувчилар солиқларни ҳисобга олган ҳолда нархни кўришади, аммо агар харидор божсиз олиб кириш лимитини ошириб юборса, у ортиқча сумманинг 30 фоизини тўлаши керак бўлади.
Uzum Market Global’нинг ишга туширилиши мамлакатнинг чекка аҳоли пунктлари аҳолисига ҳам Uzum Market хизматининг одатий сифатига эга бўлган кенг турдаги маҳсулотлардан фойдаланиш имконини беради.
