Ўзбекистонда 7 сентябрь куни 312 кишида коронавирус аниқланди. 6 нафар бемор вафот этди

Ўзбекистонда 7 сентябрь соат 23:30 ҳолатига кўра, коронавирус инфекцияси қайд этилганлар сони 43 975 (+82) нафарни ташкил этмоқда. Бу ҳақда Соғлиқни сақлаш вазирлиги хабар берди.

Фото: «Tez News»

Янги касалланиш ҳолатлари

Маълум қилинишича, янги касалланиш ҳолатларининг 72 нафари Тошкент вилоятида, 5 нафари Тошкент шаҳрида ҳамда яна 5 нафари Хоразм вилоятида тана ҳарорати кўтарилганлиги боис профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Кунлик касалланишлар

Мамлакатда 7 сентябрь куни 312 ҳолатда касаллик қайд этилди. Уларнинг барчаси тана ҳарорати кўтарилганлиги боис профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Ўлим ҳолатлари

Ўзбекистонда коронавирусдан вафот этганлар сони 354 нафарга етди. 7 сентябрь куни Тошкент шаҳрида 4 нафар, Жиззах ва Тошкент вилоятларида 1 нафардан, жами 6 нафар коронавирусга чалинган бемор вафот этди.

• Биринчи ўлим: Чилонзор туманида яшаган 58 ёшли Ё.О. (аёл) вафот этди.
• Иккинчи ўлим: Жиззах шаҳрида яшаган 36 ёшли Д.М. (эркак) вафот этди.
• Учинчи ўлим: Учтепа туманида яшаган 83 ёшли А.Д. (эркак) вафот этди.
• Тўртинчи ўлим: Термиз шаҳрида яшаган ва Зангиота туманидаги юқумли касалликлар шифохонасида даволанган 55 ёшли Б.Ж. (эркак) вафот этди.
• Бешинчи ўлим: Қибрай туманида яшаган 70 ёшли Р.Т. (эркак) вафот этди.
• Олтинчи ўлим: Юнусобод туманида яшаган 67 ёшли Х.С. (аёл) вафот этди.

Кунлик соғайганлар

Бугун, 7 сентябрь куни Тошкент шаҳрида 207 нафар, Тошкент вилоятида 91 нафар, Хоразм вилоятида 7 нафар, Қорақалпоғистон Республикаси, Андижон ҳамда Фарғона вилоятларида 4 нафардан, жами 317 нафар бемор тузалди.

Мамлакатдаги вазият

Ҳозирда касаллик қайд этилган жами 43 975 нафар бемордан 41 594 нафари соғайиб, даволаниш кўрсаткичи 94 фоизни ташкил этмоқда.

Айни пайтда тиббиёт муассасаларида даволанаётган 2 027 нафар бемордан 430 нафари оғир, 224 нафари эса ўта оғир аҳволда.

Эслатиб ўтамиз, Ўзбекистонда 6 сентябрь куни 293 кишида коронавирус аниқланган. 5 нафар бемор вафот этган.