Кенжи Хирата Япониянинг Ўзбекистондаги янги элчиси этиб тайинланди
Кенжи Хирата Япониянинг Ўзбекистондаги янги элчиси этиб тайинланди. Бу ҳақда Ташқи ишлар вазири Бахтиёр Саидовнинг Telegram-каналида хабар берилди.
Жумладан, Ҳирата жаноблари ишонч ёрлиқлари нусхаларини топширган.
Шунингдек, Ўзбекистон ва Япония ўртасидаги икки ва кўп томонлама ҳамкорлик кун тартиби ўзаро манфаатли ташаббуслар ҳамда лойиҳалар билан кенгайиб бораётгани таъкидланди.
Вазирлик янги тайинланган элчи жанобига мамлакатдаги дипломатик фаолиятида катта муваффақиятлар тилади.
Кенжи Хирата 2022 йил декабридан буён элчихонага раҳбарлик қилиб келган Такаши Хаторини ўрнини эгаллади. Жорий йил октябр ойи бошларида Хатори ўзининг дипломатик фаолиятини якунлаётгани маълум қилинган эди.
