Ўзбекистонда болалар учун янги телеканал ишга тушади
Ўзбекистонда илк бор Мактабгача таълим вазирлиги ҳузурида ижтимоий-нодавлат «AQLVOY» телеканали иш фаолиятини бошламоқда.
Хабарга кўра, телеканалнинг тест шаклидаги кўрсатувлари – 22 март кунидан бошлаб эфирга узатилади.
Фото: ЎзА
Вазирлик мутасаддисининг сўзларига кўра, унда мактабгача таълим ёшидаги болаларнинг ҳар томонлама интеллектуал, маънавий, аҳлоқий ва жисмоний жиҳатдан ривожланиши учун тайёрланган махсус кўрсатувлар, Россия, АҚШ, Жанубий Корея, Хитой ва бошқа кўплаб мамлакатлар студиялари томонидан яратилган энг сара анимацион сериал ва дастурлар намойиш этилади.
