Нигерияда 200 га яқин одам «Ласса» касаллигидан вафот этди
2024 йил бошидан бери Нигерияда 1150 дан ортиқ одам Ласса иситмаси билан касалланган ва 190 дан ортиқ фуқаро касалликдан вафот этган. Бу ҳақда Нигерия касалликларни назорат қилиш ва олдини олиш маркази бош директори Жиде Идрисга таяниб, ТАСС хабар берди.
Нигерияда Ласса иситмаси билан курашиш учун шошилинч операциялар маркази ташкил этилади. Йил бошидан буён касаллик 190 кишининг ҳаётига зомин бўлди, касалланганлар сони 1154 нафарга етди, бу кўрсаткичлар айниқса сўнгги тўрт ҳафта ичида ошган.
ЖССТ Ласса иситмаси эпидемия эҳтимоли ва исботланган вакцинанинг йўқлигидан келиб чиқиб, устувор таҳдид сифатида белгилади.
Маълумот ўрнида, Нигерия ҳукумати февраль ойида Ласса иситмаси тарқалиши сабабли «фавқулодда ҳолат» эълон қилганди.
