Қозоғистоннинг Биринчи Президенти Нурсултон Назарбоев тасвири туширилган тангалар муомалага чиқарилади

Қозоғистон Миллий банки Биринчи Президент Нурсултон Назарбоев тасвирланган коллекцион тангаларни муомалага чиқаради. Бу ҳақда Qalampir хабар бермоқда.

Фото: nationalbank.kz

Маълум бўлишича, булар «Ажойиб воқеалар ва одамлар» туркумидаги 1000 тенге (2,4 доллар) номиналдаги Qazaqstannyn Astanasy – Nur-Sultan кумуш тангалари. Уларнинг жами тиражи 1000 донани ташкил қилади.

Қайд этилишича, танганинг тескари томонида Қозоғистон байроғи, «Нур-Султон» ёзуви, давлат раҳбарининг қароргоҳи «Акорда» ва пойтахтнинг диққатга сазовор жойлари – Байтерек ёдгорлиги, Остона Опера биноси, Миллий павильон ва  Хон-Шатир савдо-кўнгилочар маркази тасвирланган.

Танганинг олд томонида Нуржол бульвари ва «1000 тенге» ёзувини кўриш мумкин. Олтин қисмда Қозоғистон герби тасвирланган.

Шунингдек, тангалар Қозоғистон зарбхонасида оғирлиги 46,2 грамм бўлган 925/1000 кумушдан, вазни 16 грамм бўлган 999/1000 ингичка олтиндан ишланган.

Эслатиб ўтамиз, аввалроқ Марказий банк Алишер Навоийга бағишлаб эсдалик тангаларни ишлаб чиқарган эди – фото