Билл Гейтс АҚШ жанубидаги энергетика инқирози сабабини маълум қилди
Microsoft асосчиси Билл Гейт Техасдаги электр энергиясининг узилиши туфайли одамлар ҳалок бўлишининг олдини олиш мумкинлигини таъкидлади.
Фото: CentralAsia
«Бу ҳолат қайта тикланадиган энергия манбалари билан боғлиқ эмас. Воқеанинг асл сабаби об-ҳаво шароитларига мос бўлмаган табиий газ электростанцияларида. Улар бунинг олдини олиш имкониятига эга эдилар. Ечим учун албатта катта миқдорда пул керак эди… Натижада инсонлар жабр кўрдилар», — дейди Гейтс.
Ғайриоддий совуқ ва қорли об-ҳаво Қўшма Штатларнинг бир нечта минтақаларини қамраб олиши натижасида камида 58 киши қурбон бўлган. Техас энг кўп зарар кўрган штатлар қаторига киради. Таъкидланишича, ҳозирда мамлакатда 261,9 минг киши электрсиз қолмоқда.
