Прокуратура 2021 йилда қанча жиноят ишини кўриб чиққани маълум бўлди
АОКАда 31 март куни бўлиб ўтган матбуот анжуманида 2021 йил давомида прокуратура идоралари томонидан олиб борилган ишлар ҳақида маълумот берилди.
Қайд этилишича, давлат органларининг ҳуқуқий ҳужжатларини тизимли равишда ўрганиш натижасида:
- 354 219 та прокурор назорати ҳужжатлари қўлланилган;
- 48 777 та қонунга зид ҳужжатга протест келтирилган, қонун бузилиши сабабларини бартараф этиш борасида тегишли идораларга 20 779 та тақдимнома киритилган;
- 292 миллиард сўм зарарни ундириш ҳақида судларга 43 мингдан ортиқ аризалар киритилган;
- 292 585 нафар шахснинг бузилган ҳуқуқлари тикланган.
Прокуратура идоралари томонидан 269 мингдан ортиқ мурожаат ҳал этилиб, 312 мингдан зиёд фуқаронинг қабули (шу жумладан, ҳудудларга чиққан ҳолда) таъминланган.
Шу билан бирга, жиноят ишлари бўйича дастлабки терговни амалга оширишда қонунийликни таъминлашга алоҳида эътибор қаратилган. 2021 йилда орган томонидан 12 275 та жиноят иши бўйича тергов ҳаракатлари ўтказилган. Шундан 10 990 нафар шахсга нисбатан 6656 та жиноят иши судга юборилган.
