Ер атмосферасида янги метеорологик ҳодиса аниқланди
Америкалик иқлимшунослар Ғарбий Ҳинд океанида метериологик ҳодисанинг янги турини аниқлади.
Маълум қилинишича, олимлар томонидан «атмосфера кўли» деб аталган ушбу ноодатий ҳодиса Ҳинд океанида сўнгги 5 йил ичида 17 марта қайд этилган. Атмосфера кўлининг шаклланиши ҳаво оқимларининг тезлиги тахминан нолга тенг бўлган жойларда сув буғининг оқими кўринишида содир бўлади.
Таъкидланишича, «атмосфера кўли»нинг диаметри минг километр ва чуқурлиги бир неча сантиметрга етиши мумкин. Улар намликни бир ҳафтагача ушлаб тура олади, бу эса ҳарорат ва босимнинг ўзгаришига сабаб бўлади. Яқинда Майами университети иқлимшунослари «атмосфера кўлини» топган. 2014 йилдан 2018 йилгача ўтказилган тадқиқот буғ шаклидаги изоляцияланган сув тўпланиши ҳодисасини кузатишга туртки берган.
