Андижонда қалбаки $2 мингни 20 млнга сотган шахслар ушланди

Улар келишилган пулдан 1 200 АҚШ доллари ва 5 млн сўмни олган вақтида ашёвий далиллар билан ушланган.

Андижонда ҳуқуқ-тартибот идоралари ходимлари томонидан ўтказилган тезкор тадбирда фуқаролар Ж.Р. ва Ф.О. қалбаки 2 000 АҚШ долларини фуқаро Г.К.га 20 млн сўмга сотишга келишиб, шундан 18 дона 100 АҚШ долларлик қалбаки купюраларни бериб, эвазига 1 200 АҚШ доллари ва 5 млн сўмни олган вақтларида ашёвий далиллар билан ушланди.

Мазкур ҳолат юзасидан ЖКнинг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилиб, тергов ҳаракатлари ўтказилмоқда.