БМТ жиддий гуманитар инқироз қачон юзага келишини тахмин қилди
Бирлашган Миллатлар Ташкилоти Жаҳон озиқ-овқат дастури раҳбари Девид Бизлининг айтишича, 2021 йилда дунё мисли кўрилмаган очликка дуч келиши мумкин.
Фото: «flickr»
Маълум қилинишича, коронавирус пандемияси туфайли очлик ёқасида турган одамлар сони 270 миллионга етган. «Келгуси йилда дунёда мисли кўрилмаган даражада гуманитар фалокат юз бериши мумкин», — дейди Девид Бизли.
Шунингдек, Бутунжаҳон соғлиқни сақлаш ташкилоти раҳбари Тедрос Гебрейесус эса дунё бўйлаб вакциналар алмашинуви дастурига зудлик билан 4,3 миллиард доллар зарурлигини таъкидлаган. «2021 йил 75 йил олдин БМТ ташкил этилганидан бери энг оғир гуманитар инқироз йили бўлиши мумкин. Биз ҳаммага ёрдам беролмаймиз. Очлик эса ўнлаб мамлакатларнинг эшигини қоқмоқда, — тушунтирди расмий.
Унинг сўзларига кўра, сўнгги йилларда қуролли тўқнашувлар очлик ёқасида турганлар сонининг 80 дан 135 миллионгача кўпайишига олиб келган. Бироқ COVID-19 коронавирус пандемияси бу кўрсаткични 270 миллионга етказган.
Аввалроқ Ўзбекистоннинг глобал очлик индекси бўйича жаҳондаги ўрни маълум бўлгани ҳақида хабар берилган эди. Унга кўра, мамлакат халқаро миқёсда эълон қилинган глобал очлик индексида 107 та мамлакат ичида 30-ўринда қайд этилган.
