«Самарқанд ҳудудий электр тармоқлари корхонаси»га янги раҳбар тайинланди
Ғанишер Маматқулов 7 ноябрь куни «Самарқанд ҳудудий электр тармоқлари корхонаси»га раҳбар этиб тайинланди. Бу ҳақда «Янги Ўзбекистон» хабар берди.
Фото: «Uzreport»
Хабарга кўра, Маматқулов Ғанишер Абдукаримович 1976 йилда туғилган. 2007 йилда эса Тошкент молия институтини тамомлаган.
Тайинловга қадар у Республика «Микрокредитбанк» бошқаруви раиси, Иқтисодий тараққиёт ва камбағалликни қисқартириш вазирининг ўринбосари — Кичик бизнес ва тадбиркорликни ривожлантириш агентлиги директори лавозимларида фаолият олиб борган.
Аввалроқ Ботир Зарипов Бухоро вилояти ҳокими вазифасини бажарувчи этиб тайинлангани ҳамда Соғлиқни сақлаш вазирининг ўринбосари ўзгаргани ҳақида хабар қилинганди.
