Коронавирусга чалинган Бухоро ҳокимининг ҳозирги аҳволи маълум қилинди
Коронавирусга қарши курашиш штаби аъзоси Рустам Икромов 11 август, сешанба куни бўлиб ўтган брифингда Бухоро вилояти ҳокимининг ҳозирги аҳволини маълум қилди.
Кадр: YouTube
Рустам Икромовнинг сўзларига кўра, Бухоро вилояти ҳокими Карим Камоловнинг аҳволи яхши.
«Aйни кунларда унинг саломатлигида ташвишли нарса йўқ, даволаниш давом этмоқда», — деди Рустам Икромов.
Эслатиб ўтамиз, аввалроқ Бухоро вилояти ҳокими вазифасини бажарувчи Карим Камоловда коронавирус тасдиқланган эди. Кейинчалик ҳокимнинг вафот этгани ҳақидаги хабарлар рад этилганди.
