Коронавирусга чалинган соғлиқни сақлаш вазири Aлишер Шодмоновнинг аҳволи ҳақида маълумот берилди
Коронавирусга қарши курашиш штаби аъзоси Рустам Икромов 11 август, сешанба куни бўлиб ўтган брифингда COVID-19 инфекциясига чалинган соғлиқни сақлаш вазири Aлишер Шодмоновнинг бугунги кундаги аҳволи ҳақида маълумот берди.
Кадр: YouTube
Рустам Икромовга кўра, соғлиқни сақлаш вазири Aлишер Шодмоновнинг бугунги кундаги аҳволи яхши.
«Aйни кунларда унинг саломатлигида ташвишли нарса йўқ, даволаниш давом этмоқда», — деди Рустам Икромов.
Эслатиб ўтамиз, аввалроқ коронавирусга чалинган Бухоро ҳокими Карим Камолов, Сурхондарё ҳокими Тўра Боболов ҳамда бош вазир ўринбосари Ўктам Барноевнинг ҳозирги аҳволи ҳақида маълумот берилган эди.
