Қозоғистон пойтахтида 18 мартдан карантин бошланади
15 март куни Нурсултонда 18 мартдан бошлаб карантин чораларини эълон қилиш тўғрисида қарор қабул қилинди.
Фото: inbusiness.kz
Хабарга кўра, 18 мартдан бошлаб пойтахт аҳолиси ва меҳмонлари қуйидаги талабларга риоя қилиши лозим:
- оммавий тадбирлар, шу жумладан оилавий ёки хотирлаш маросимлари, зиёфатлар, тўйлар, юбилейлар ва бошқаларни (корпоратив тадбирлар, митинглар, йиғилишлар) ўтказиш ва уларда қатнашиш тақиқланади;
- фаолияти тикланмаган объектларга, жумладан, компьютерхоналар, кинотеатрлар, тунги клублар, ўйин майдончалари ва спорт иншоотлари (Ashyq лойиҳасида иштирок этаётган объектлар бундан мустасно) ташриф буюришни тақиқланади.
- жамоат жойларига, шаҳар жамоат транспорти ҳамда фаолиятига рухсат берилган объектларга ташриф буюрганда, ниқоб тақиш, масофа сақлаш ва антисептиклардан фойдаланиш талабларига қатъий риоя қилиш шарт.
