Андижондаги шифохонада содир бўлган ёнғин юзасидан маълумот берилди
Андижондаги тиббиёт бирлашмасида келиб чиққан ёнғин юзасидан ФВВ маълумот берди.
Фото: muslimun.uz
Хабарга кўра, ҳодиса 17 март соат 18:42да Андижон тумани Шифокор кўчасида жойлашган тиббиёт бирлашмасига қарашли бинода ёнғин содир бўлган. Ёнғин содир бўлаётган жойга Андижон тумани Фавқулодда вазиятлар бўлимининг ёнғин-қутқарувчилари зудлик билан етиб борган.
Қайд этилишича, ёнғиндан бинонинг 100 кв.м майдон том ва шифт қисми ёниб зарар кўрган. Бинода бўлган 20 нафар бемор ўз вақтида хавфсиз жойга эвакуация қилинган. Шу сабабли ҳалок бўлган ва тан жароҳати олганлар йўқ.
Таъкидланишича, ёнғин бир неча дақиқада тезкорлик билан бартараф этилган. Ёнғин-қутқарувчиларининг саъй-ҳаракатлари натижасида бинонинг 500 кв.м майдони ёнғиндан сақлаб қолинган.
Эслатиб ўтамиз, аввалроқ Тошкентдаги кафеларнинг бирида ёнғин юз берган эди.
