Ўртачирчиқ туманида 3 нафар шахс ис газидан заҳарланиб вафот этди
Тошкент вилоятининг Ўртачирчиқ туманида 3 нафар фуқаро ис газидан заҳарланиб вафот этди, деб Millar дастурида хабар берилди.
Маҳалла вакилларининг маълум қилишича, ҳалок бўлганлар воқеадан 3 кун олдин ушбу уйга кўчиб келган.
Илгари маҳаллада бундай ҳолатлар кузатилмагани билдирилди.
Ҳалок бўлганлар орасида икки нафар аёл ва бир ўсмир бор.
Ҳозирда мазкур ҳолат юзасидан дастлабки текширув олиб борилмоқда.
