O‘zbekistonda qancha odam koronavirusdan uyda davolanayotgani ma’lum bo‘ldi
Respublika maxsus komissiyasi markaziy shtabi a’zosi, Mahalla va oilani qo‘llab-quvvatlash vazirligi xodimi Jo‘shqin Qosimov karantinga olingan xonadonlar, uy sharoitida davolanayotgan bemorlar yuzasidan ma’lumot berdi.
Ma’lum qilinishicha, 22-iyul soat 10:00 holatiga ko‘ra, mamlakat bo‘yicha koronavirusdan uy sharoitida davolanayotganlar soni 1706 nafarni tashkil qilmoqda.
Hududlar kesimi bo‘yicha:
Qoraqalpog‘iston Respublikasida — 58;
Andijon viloyatida — 136;
Jizzax viloyatida — 22;
Navoiy viloyatida — 40;
Namangan viloyatida — 21;
Samarqand viloyatida — 96;
Sirdaryo viloyatida — 156;
Surxondaryo viloyatida — 101;
Qashqadaryo viloyatida — 21;
Toshkent viloyati — 637;
Toshkent shahrida — 413 nafar bemor uyda davolanmoqda.
“Ularning barchasi shifokorlar nazoratida bo‘lib, kerakli tavsiyalar berib borilyapti. Bepul dori-darmonlar hamda bir martalik tibbiy niqoblarni yetkazib berish yo‘lga qo‘yilgan”, — deyiladi xabarda.
Uyda davolanish amaliyotini o‘tayotgan bemorlar 10 kun davomida kuzatuvda bo‘ladi. Test natijalariga qarab, kuzatuv bekor qilinadi yoki davom ettiriladi.
Eslatib o‘tamiz, O‘zbekistonda 5-iyuldan boshlab koronavirus kasalligi aniqlangan bemorlarga uy sharoitida davolanishga ruxsat berilgan va ularga tibbiy yordam ko‘rsatish uchun mobil guruhlar tashkil etilgan.