Андижон ва Оренбург вилоятлари ўртасида ҳамкорлик меморандуми имзоланди
Андижон ва Оренбург вилоятлари ўртасида ҳамкорлик меморандуми имзоланди. Бу ҳақда вилоят ҳокимлик матбуот хизмати «Tez News»га хабар берди.
Маълум қилинишича, Россия ва Ўзбекистон ўртасида меҳнат миграцияси соҳасида бир қатор масалалар юзасидан музокаралар ўтказиш ва келишувга эришиш мақсадида Андижон вилояти ҳокимининг биринчи ўринбосари иштирокидаги делегация Россияга кетган.
Андижон вилояти ҳокимининг биринчи ўринбосари Эгамбердиев Абдужаббор Ҳусанович ташриф доирасида Оренбург ва Андижон вилоятлари ҳокимликлари мутасаддилари ўртасидаги учрашувларда иштирок этмоқда.
Аввалроқ Наманганда туризм соҳасида Туркия билан ҳамкорлик йўлга қўйилиши ҳақида хабар берилганди.