Тошкентда автомобиль ёниб кетди
Яшнобод туманида 24 март куни «Lacetti» автомобилида ёнғин юзага келган. Бу ҳақда ИИВ ЙҲХББ ахборот хизмати хабар қилди.
Хабарга кўра, 24 март соат 02:00 ларда Яшнобод тумани Уйсозлар кўчасида жойлашган 70-уйнинг олди томонида тўхтаб турган фуқаро М.М.га тегишли бўлган «Lacetti» русумли автомобилда ёнғин юзага келган.
Қайд этилишича, ёнғин ўт ўчирувчилар томонидан бартараф этилган. Ёнғин натижасида тан жароҳати олган фуқаролар йўқ. Ёнғиндан автомобилнинг маълум қисми зарарланган.
Ҳодиса юзасидан Яшнобод тумани ФВБ ва ИИО ФМБ ЙҲХБ ходимлари томонидан суриштирув ҳаракатлари олиб борилиб, ёнғин юзага келиш сабабларига аниқлик киритилмоқда.
Мавзуга доир:
