Ўзбекистонда коронавируснинг британча штамми билан касалланган бемор тузалди
Ўзбекистонда британча штамм илк бор қайд этилган бемор 12 кунда тузалиб чиққан. Бу ҳақда Zamon.uz хабар берди.
Фото: Sport24
Хабарга кўра, коронавируснинг британча штамми билан касалланган бемор ўз вақтида ва белгиланган стандартлар бўйича тўлақонли даволанган.
Таъкидланишича, касаллик оғир кечмаган, асоратлар қолдирмаган ва ҳозирги кунда бемор соғайиб, 5 февралда уйига жавоб берилган. Яъни 12 кун давомида даволаш ва кузатувда бўлган.
«Қайта текширувлар натижасида унда вирус аниқланмаган», – деган ССВ жамоатчилик билан алоқалар бўлими раҳбари Фурқат Санаев.
Эслатиб ўтамиз, Ўзбекистонда коронавируснинг британча штамми БААнинг Дубай шаҳридан келган қизда аниқланган эди.
