Трейдинг янада яқинлашди: Alpari ўзбек тилидаги хизматини ишга туширди ва Тошкентда офис очди
Эндиликда компания мижозлари учун тўлиқ ўзбек тилига таржима қилинган платформа ва ахборот ресурслари мавжуд
Шунингдек, мижозларнинг она тилида қўллаб-қувватлаш хизмати ҳам йўлга қўйилган. Ўзбекистонлик фойдаланувчилар учун маҳаллий валютада тўлов қилиш имкониятлари ҳам тақдим этилган.
Хизмат ва янги офис тақдимоти 2026 йил 23 октябрь куни InterContinental Tashkent меҳмонхонасида бўлиб ўтди. Тадбирда 120 нафардан ортиқ трейдер ва компания ҳамкорлари иштирок этди. Учрашув давомида молия бозорларининг ривожланиш истиқболлари, савдони автоматлаштириш ва иқтисодий янгиликлар билан ишлаш масалалари муҳокама қилинди.
Alpari таҳлилчиси Анна Бодрова 2027 йил учун ўз прогнозини тақдим этиб, уни бозорда янги бурилишлар йили деб атади. Унинг баҳолашича, ҳозирда бозор иштирокчилари учун ягона аниқ сценарий мавжуд эмас: пул ресурсларининг қиймати, доллар курси ва геосиёсий вазият иштирокчиларнинг кутилмаларини тез ўзгартириши мумкин.
Анна Бодрова трейдерлар эътибор қаратиши лозим бўлган омиллар қаторида АҚШ Федерал захира тизими сиёсатини, доллар ва олтин нархлари динамикасини, глобал капитал оқимларини, геосиёсий хатарларни, шунингдек, Ўзбекистон инвестиция бозорининг ривожланишини санаб ўтди.
«Доллар ва фоиз ставкалари — бозорларнинг энг асосий таъсир омиллари», — дея таъкидлади таҳлилчи. Федерал захира тизимининг юқори фоиз ставкаси АҚШ валютасини қўллаб-қувватлайди, бу эса рискли активлар ва ривожланаётган бозорларга босим ўтказади. Долларнинг заифлашиши, аксинча, хомашё активлари ва бошқа мамлакатларнинг миллий валюталарини қўллаб-қувватлайди.
Спикер Ўзбекистон иқтисодиётида муҳим ўрин тутадиган олтинга алоҳида эътибор қаратди. Ушбу ҳимоя активига талаб юқорилигича қолмоқда. Умуман олганда, хомашё бозорлари Хитойдаги вазият ва логистика шароитларига боғлиқлигини сақлаб қолмоқда. Ўзбекистон иқтисодиётининг истиқболлари ҳақида сўз юритар экан, Анна Бодрова Европа тикланиш ва тараққиёт банкининг (ЕТТБ) келгуси йилда мамлакат ЯИМи 6 фоизга ўсиши ҳақидаги прогноз маълумотларини келтирди.
Brotech асосчиси ва раҳбари Алиаскар Исломов Форекс бозорида қўлда савдо қилишдан автоматлаштирилган тизимларга ўтиш ҳақида сўзлаб берди ҳамда Форексда молиявий йўқотишларга олиб келиши мумкин бўлган сабабларни таҳлил қилди.
Улардан бири — ҳиссиётларнинг таъсири. Имкониятни қўлдан бой бериш қўрқуви (FOMO) ва очкўзлик оқилона фикрлаш қобилиятини пасайтиради. Шунингдек, зарар кўрилган битимдан сўнг йўқотилган маблағни тезда қайтариб олишга уриниш ҳам қўшимча йўқотишларга олиб келиши мумкин.
Исломовнинг фикрича, асосий муаммо — танланган стратегияга изчил амал қилишдир. Унинг баҳолашича, савдодаги муваффақиятнинг атиги 10 фоизи стратегияни билишга, 90 фоизи эса интизом ва олдиндан белгиланган қоидаларга риоя этишга боғлиқ. Ҳиссиётлар эса трейдерга режалаштирилган тарзда савдо қилишда халақит бериши мумкин.
Бу борадаги ечимлардан бири — алгоритмик савдодир. Савдо роботлари олдиндан белгиланган қоидалар асосида ишлайди ва қарор қабул қилиш жараёнида ҳиссиётлар таъсирини камайтириш имконини беради. Шу билан бирга, тизим самарадорлигини баҳолаш, параметрларни созлаш ва хатарларни назорат қилиш учун масъулият ҳамон трейдер зиммасида қолади.
Premium Trade вакили Муҳаммаджон Қодиров трейдерлар иқтисодий янгиликларни қандай таҳлил қилиши кераклигини тушунтирди.
Спикер энг муҳим маълумотлар қаторига NFP — АҚШнинг қишлоқ хўжалигидан ташқари соҳаларида банд бўлганлар сони ўзгариши ҳақидаги маълумотларни, ЯИМ ва ишсизлик даражаси кўрсаткичларини, АҚШ Федерал захира тизимининг Очиқ бозордаги операциялар бўйича федерал қўмитаси (FOMC) қарорларини киритди. Шунингдек, ушбу рўйхатдан ишлаб чиқарувчилар нархлари индекси (PPI), ишбилармонлик фаоллиги индекси (PMI), чакана савдо ва уй-жой савдоси бўйича маълумотлар ҳамда узоқ муддат фойдаланиладиган товарларга буюртмалар ҳам ўрин олди.
Спикер истеъмол нархлари индекси (CPI) — истеъмол инфляциясининг муҳим кўрсаткичига алоҳида тўхталди. Юқори инфляция фоиз ставкалари оширилишига оид кутилмаларни кучайтириши ҳамда АҚШ доллари ва XAUUSD жуфтлигида кескин реакцияга сабаб бўлиши мумкин.
Қодиров эълон қилинган маълумотларнинг ўзи сотиб олиш ёки сотиш учун сигнал ҳисобланмаслигини таъкидлади. Статистик маълумотларни таҳлил қилишда фақат битта рақамга эмас, балки барча кўрсаткичлар мажмуасига эътибор қаратиш муҳим.
Спикер иқтисодий янгиликларни таҳлил билан қандай уйғунлаштириш мумкинлигини ҳам тушунтирди. Янгиликлар бозорда нима содир бўлаётганини ва активлар нархи нима сабабдан у ёки бу йўналишда ҳаракатланиши мумкинлигини тушунишга ёрдам беради. Фундаментал таҳлил ҳаракат йўналишини аниқлаш имконини берса, техник таҳлил бозорга кириш нуқталарини белгилашга кўмаклашади.
Молиявий инструментлар билан ишлаш ҳар доим тафсилотларга эътиборли бўлишни талаб қилади. Материалларни ўқиш ва тушунтиришларни она тилида олиш эса анча қулай. Alpari’нинг ўзбек тилидаги хизмати билан ушбу ҳавола орқали танишиш мумкин.
Манзил: Тошкент шаҳри, Шаҳрисабз кўчаси, 2-уй (Trilliant Tower).
