Ўзбекистонда «Мен донорман» хайрия қон топшириш акциясида иштирок этиш тартиби маълум бўлди
Ўзбекистонда 1 декабрь куни ўтказиладиган «Мен донорман» хайрия қон топшириш акциясида иштирок этиш тартиби маълум бўлди. Бу ҳақда Ёшлар ишлари агентлиги «Tez News»га хабар берди.
Фото: «Tez News»
Маълумотларга кўра, Республика қон қуйиш маркази, Тошкент шаҳар қон қуйиш маркази ҳамда вилоят тиббиёт бирлашмаларида ўтказиладиган «Мен донорман» хайрия қон топшириш акциясида иштирок этиш тартиби қуйидагича:
- 18–60 ёшгача бўлган фуқаролар (паспорт билан);
- 1 кун аввал аччиқ, шўр маҳсулотлар, спиртли, газли яхна ичимликлар, эрталабки нонуштада тухум, ёғ, сут истеъмол қилмаслиги;
- сариқ касалга чалинмаган, «Д» рўйхатда турмаслиги лозим.
Акция давомида топширилган қон препаратлари Онкология ва гематология марказларида даволанаётган болалар учун берилади.
Мурожаат учун: 71-250-47-93
Мавзуга доир: Ўзбекистонда вакциналар ишлаб чиқариш йўлга қўйилади
Аввалроқ Ўзбекистонда Биологик хавфсизлик кенгаши ташкил этилиши ҳақида хабар берилган эди.
