Жаҳонгир Ортиқхўжаев давлат хизматига қайтиш-қайтмаслигига жавоб берди
Тошкент шаҳрининг собиқ ҳокими Жаҳонгир Ортиқхўжаев Жаҳонгир Латипов лойиҳасига берган интервьюсида давлат хизматига қайтиш-келмаслигига жавоб берди.
Айни пайтда пойтахтнинг собиқ раҳбари тадбиркорлик фаолияти билан шуғулланади. Унинг сўзларига кўра, у давлат идораларида ишлашни режалаштирмаган.
«Мен бизнесга қайтганимдан бери қайта туғилгандекман, чунки бу менга ёқадиган нарса. «Ўз бизнесимга қайтишимга имкон берган президентга катта раҳмат», деди собиқ ҳоким.
Жаҳонгир Ортиқхўжаев 2018-2023 йилларда Тошкент шаҳри ҳокими лавозимида ишлаган.
