Тошкентда 5 та автомобиль иштирокида ЙТҲ содир бўлди

Тошкентнинг Юнусобод туманида 5 та автомобиль иштирокида йўл-транспорт ҳодисаси содир бўлди. Бу ҳақда ЙҲХБ ахборот хизмати хабар берди.

Маълум қилинишича, ҳодиса 23 январь куни соат 15:20 да Кичик ҳалқа автомобиль йўли кўчасида содир бўлган. Nexia-2, Nexia-3, Spark ва 2 та Lacetti ўзаро тўқнашган.

Йўл ҳаракати хавфсизлиги бошқармаси хабарига кўра, транспорт ҳодисаси оқибатида тан жароҳати олганлар ҳақида ҳеч қандай хабар келиб тушмаган.

Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда, дейилади бошқарма ахборотида.