АҚШ Украинага бир йилга етадиган қурол-яроғ юбормоқда

АҚШ президенти администрациясининг Украинага кўрсатаётган ҳарбий ёрдами 2025 йил охиригача қурол-яроғ ва техника бўлган эҳтиёжни қоплашни назарда тутади. Бу ҳақда АҚШ давлат департаменти вакили Метю Миллер маълум қилди.

Биз аллақачон тақдим этган ва администрация фаолияти якунлангунга қадар юбориладиган ресурслар Украинани 2025 йил охиригача уруш учун зарур бўлган қурол-яроғ ва материаллар билан таъминлайди, деди Миллер.

У шу тариқа сайланган президент Доналд Трамп Оқ уйга келгач, Украинанинг Россияга қарши кураши қандай кечишига изоҳ берди. Миллер Конгресс томонидан Украинага тасдиқланган ҳарбий ёрдам пакетидан қанча сумма қолганини очиқламади. У бу масала билан Пентагоннинг шуғулланаётгани айтди.

Ҳозирги маъмурият Байденнинг муддати тугагунга қадар — 2025 йил 20 январгача — Украинага келишилган барча маблағларни ажратиш ниятида эканини бир неча бор эълон қилган. Мазкур сумма тахминан 9 миллиард долларга етади.