Фарғонада енгил автомобил ва юк машинаси тўқнашди: 2 киши ҳалок бўлди

«Lacetti» бошқарувидаги қиз қувиб ўтиш қоидасини бузиб, қарама-қарши йўналишга чиқиб кетган ва «FAW Tiger» билан тўқнашган

Фарғона вилоятининг Ўзбекистон туманида йўл-транспорт ҳодисаси содир бўлди, деб хабар берди вилоят ЙҲХБ матбуот хизмати.

Автоҳалокат 14 июнь куни соат 13:30 атрофида Алишер Навоий кўчасидан ўтувчи Д-098 автомобиль йўлининг 21-километрида юз берди.

Хусусан, 2008 йилда туғилган ҳайдовчи Р.Н (аёл) «Lacetti-2» русумли автомобилини бошқариб кетаётиб, қувиб ўтиш қоидасига амал қилмасдан қарама қарши йўналишга ўтиб, ўз йўналишида ҳаракатланиб келаётган 1973 йилда туғилган Р.О «FAW Tiger» русумли автомобили билан тўқнашиб йўл-транспорт ҳодисаси содир этган.
 
Натижада Lacetti-2 русумли автомобиль ҳайдовчиси Р.Н (аёл) ва автомоблда бўлган 2007 йилда туғилган йўловчи З.Ш шифохонада вафот этган.

Ҳозирда ушбу ҳолат юзасидан Ўзбекистон тумани ИИБ томонидан терговга қадар текширув ҳаракатлари олиб борилмоқда