Тошкентда 2 та енгил автомобиль ва автобус тўқнашди
Тошкент шаҳар Юнусобод туманида 2 та енгил автомобиль ва автобус ўртасида йўл транспорт ҳодисаси содир бўлди. Бу ҳақида ИИББ ЙҲХБ хабар берди.
Қайд қилинишича, ҳодиса 8 декабрь куни тумандаги Бободеҳқон кўчасида юз берган. Унда 2002 йилда туғилган Tracker-2 ҳайдовчиси, 1965 йилда туғилган Matiz ҳайдовчиси ва 1966 йилда туғилган Yutong русумли автобус ҳайдовчиси иштирок этган.
ЙТҲ натижасида Траcкер-2 русумли автомашина ҳайдовчиси ва бир нафар йўловчисига биринчи тиббий ёрдам кўрсатиш мақсадида шифохонага олиб кетилган.
Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.
