Бузилаётган биноларнинг бозор қиймати тўлиқ қоплаб берилади
2025 йил 1 майдан бошлаб, Ўзбекистонда қурилиш жараёнлари тўлиқ онлайн шаклда, «Шаффоф қурилиш» тизими орқали бошқарилади.
Бу тизим қурилишни бошлашдан тортиб, фойдаланишга топширишгача бўлган барча босқичларни қамраб олади.
Кўп квартирали уй-жойларни фойдаланишга топширишда фақат Қурилиш назорати инспекцияси ва ёнғин хавфсизлиги органларининг рухсати талаб қилинади.Шунингдек, илгари мажбурий бўлган техник текширув бекор қилинади.
2025 йил 1 мартдан бошлаб, эски уйларни янгилаш (реноватсия) янги тартиб асосида амалга оширилади. Бунинг учун барча уй эгалари нотариал тасдиқланган келишув имзолаши керак.
Улар қуйидаги 3 та компенсация шаклидан бирини танлашлари мумкин:
— Янги қурилган уйдан худди шундай майдонга эга квартира олиш (вақтинча ижарада туриш харажатлари қопланади);
— Уй ва бошқа мулкларининг бозор қийматини тўлиқ миқдорда олиш;
— Қурувчи билан келишилган бошқа турдаги компенсация олиш.
