Ўзбекистонда экстремизмга қарши кураш кучайтирилади

Экстремистик, сепаратистик, фундаменталистик ва бошқа тақиқланган ташкилотларда иштирок этиш 10 йилгача озодликдан маҳрум қилиш билан жазоланади

Ўзбекистонда экстремизмга қарши курашиш бўйича чоралар кучайтирилади, деб хабар беради Адлия вазирлиги тегишли қонунга таяниб.

Жиноят кодексига киритилган қўшимчаларга кўра, экстремистик, сепаратистик, фундаменталистик ва бошқа тақиқланган ташкилотларда иштирок этиш 5 йилдан 10 йилгача муддатга озодликдан маҳрум қилиш билан жазоланади.

Маъмурий жавобгарлик тўғрисидаги кодексга киритилган қўшимчаларга кўра:

• экстремизм, сепаратизм ёки ақидапарастлик ғоялари билан йўғрилган, қирғин солишга ёки фуқароларни зўрлик билан кўчириб юборишга даъват этадиган ёхуд аҳоли орасида ваҳима чиқаришга қаратилган материалларни тайёрлаш ёки уларни тарқатиш мақсадида сақлаш, шунингдек экстремистик, террорчилик ташкилотларининг атрибутларини ёки рамзий белгиларини таркатиш ёхуд намойиш этиш максадида тайёрлаш, саклаш:

• ҳуқуқбузарлик ашёсини мусодара қилиб, фуқароларга БҲМнинг 50 бараваридан 100 бараваригача, мансабдор шахсларга эса — 100 бараваридан 150 бараваригача миқдорда жарима солишга ёки 15 суткагача муддатга маъмурий қамоққа олишга сабаб бўлади.

Шунингдек, қонун ҳужжатларидаги «диний экстремизм» сўзлари «экстремизм» сўзи билан алмаштирилди.