Pepsi Lazzatli Fest Ўзбекистон тарихида энг йирик гастрономик фестивални ўтказди
22-майдан 24-майгача «Humo Arena» ҳудуди 124 мингдан ортиқ меҳмонни жамлаган йирик гастрономик ва маданий байрам марказига айланди.
Фестивалнинг асосий воқеаси расман қайд этилган учта Guinness World Records жаҳон рекорди бўлди.
Жамоа нафақат белгиланган кўрсаткичларни бажарди, балки уларни анча ошириб ҳам уддалади:
• режадаги 1000 та ўрнига 2187 та лаваш-донер;
• 12 000 та ўрнига 12 648 та сомса;
• режалаштирилган 800 кг ўрнига вазни 1135 кг бўлган дунёдаги энг катта лагмон.
Рекордларни ўрнатишда мамлакатнинг энг сара ошпазлари меҳнат қилди: 25 нафар ошпаз рекорд даражадаги лаваш-донерларни тайёрлади, 33 нафар ошпаз энг катта лагмонни пиширди, 45 нафар ошпаз эса бир вақтнинг ўзида 45 та тандирда сомса ёпди.
Рекорд даражадаги сомсани тайёрлаш учун 505 кг мол гўшти, 500 кг пиёз, 60 кг думба ёғи, 885 кг ун, 250 литр сув, 250 кг сарёғ, 12 кг кунжут, шунингдек, кўп миқдорда зиравор ва масаллиқлар ишлатилди. Фестиваль давомида жами бир ярим тоннадан ортиқ маҳсулот сарфланди.
Минглаб меҳмонлар рекордлар тайёрланишини реал вақт режимида кузатиб борди, «MILLIY TV» телеканали орқали эса тўғридан-тўғри эфир узатилди. Энг ҳаяжонли лаҳза Guinness World Records натижаларининг расман тасдиқланиши бўлди — якуний ҳисоб-китоб ва тортишдан сўнг бутун майдон шодийона қилди, меҳмонлар дўмбра садолари остида қарсак чалиб, рақсга тушди.
Guinness World Records эксперти Ричард Стеннинг фестивалнинг юқори даражада ташкил этилганини, жамоанинг ҳамжиҳат ишлаганини ва ошпазларнинг маҳоратини алоҳида эътироф этди. У лагмонни қўлда тайёрлашнинг мураккаблигини қайд этиб, барча жараёнлар тартибли ва юксак савияда бажарилганини айтди.
Шунингдек, Ричард Стеннинг тарихда илк бор бир фестиваль доирасида бир вақтнинг ўзида учта Guinness World Records жаҳон рекорди ўрнатилганини таъкидлади.
Бироқ фестиваль нафақат рекордлар, балки аввало, шаҳар муҳити ва одамлар ҳақида бўлди. Уч кун давомида «Humo Arena» атрофи катта очиқ осмон остидаги байрамни эслатди: концерт чиқишлари, рақс шоулари, интерактив ҳудудлар, блогерлар, мусиқачилар, фарзандли оилалар, сайёҳлар ва гастрономик майдончалар замонавий халқаро даражадаги шаҳар фестивалининг ўзига хос муҳитини яратди.
Guinness World Records нинг учта рекордига эришиш муҳим босқич бўлиб, PepsiCo ва ҳамкоримиз International Beverages Tashkent жамоаларининг профессионаллиги ҳамда фидойилигини тасдиқлади. Биз биргаликда ўзбек маданиятининг бойлигини жаҳон саҳнасида намойиш этмоқдамиз. Биз Pepsi’да одамларни таом, мусиқа ва маданият орқали бирлаштирадиган лаҳзаларни яратишга ишонамиз ҳамда ҳар бир қултум ва ҳар бир таъм билан янада ёрқин таассуротлар ҳадя этишдан мамнунмиз, — деди Аюб Қуреши, PepsiCo’нинг Беларусь, Кавказ ва Марказий Осиё минтақаси бўйича бош менежери.
Pepsi Lazzatli Fest шунчаки фестиваль эмас, балки Тошкент ва бутун Ўзбекистон учун ҳақиқий тарихий воқеага айланиб, мамлакатдаги йирик халқаро тадбирлар учун янги маррани белгилаб берди.
