АҚШ Гарвард университетининг $2 млрддан ортиқ грантларини тўхтатиб қўйди

АҚШ ҳукумати Гарвард университетига ажратилган 2,2 миллиард доллардан ортиқ грант ва 60 миллион долларлик шартномаларни тўхтатиб қўйди, деб хабар бермоқда АП.

Таъкидланишича, бунга университет АҚШ президенти Доналд Трамп маъмуриятининг фаолият ва ўқитувчилар таркибига оид талабларини рад этгани сабаб бўлган.

Ўтган жума куни АҚШ маъмурияти университетдан хизмат кўрсаткиларига асосланган қабул ва ишга олиш сиёсатини жорий этишни, шунингдек, ўқув жамоаси, профессор-ўқитувчилар ва раҳбариятнинг хилма-хилликка бўлган қарашларини текширишни талаб қилди. Бундан ташқари, Гарварддан намойишларда юз ниқобларини тақишни тақиқлаш ҳам талаб этилди.

Бир кун олдин университет профессорлари Доналд Трамп маъмуриятига қарши судга мурожаат қилишди. Уларнинг фикрича, ҳокимиятнинг талаблари ҳукуматнинг сиёсий манфаатларига кўра академик эркинлик ва сўз эркинлиги ҳуқуқларини бузган.