2 тоннадан ортиқ гиёҳванд модда йўқ қилинди

Ўзбекистонда 2 тоннадан ортиқ гиёҳванд модда ёқиб юборилди. Бу ҳақда ДXX матбуот хизмати хабар берди.

Қайд қилинишича, ушбу тадбир 26 июнь – Гиёҳванд моддаларни суиистеъмол қилиш ва уларнинг ноқонуний айланишига қарши курашиш бўйича Халқаро кун муносабати билан ўтказилган.

Йўқ қилинган моддалар орасида қуйидагилар бор:

• 99 кг 882 г героин;

• 202 кг 555 г опий;

• 415 кг 124 г гашиш;

• 395 кг 739 г марихуана;

• 613 кг 94 г каннабис;

• 153 кг 15 г кўкнори ва кўкнори сомони;

• 57 кг 847 г мефедрон;

• 29 кг 603 г а-PVP;

• 5 кг 750 г «спайс»;

• 5 кг 544 г катинон ва бошқа моддалар.

Расмийларга кўра, ушбу тадбир мамлакатда гиёҳвандликка қарши курашиш ва фуқароларни бу иллатдан огоҳ қилишга қаратилган профилактик чоралар доирасида амалга оширилмоқда.